:: ::

Новости

 
30 октября 2018 г.
Волонтернуң чылы

Россияның эки турачылары – чылдың кол болуушкуну

Эрткен айда Бүгү-россия чергелиг «Россияның эки турачылары – 2018» деп конкурстуң регионалдыг чадазы ТывКу-нуң хуралдаар залынга эрткен. Мөөрейниң киржикчилери 8 хардан 75 харга четкен. Ук мөөрейге чаа-чаа социал төлевилелдерни деткип, биче суурларда идепкейжи чурттакчы чонну илередири-биле ажылды чоруткан.  Регионалдыг мөөрей ТР-ниң Чазак Баштыңының оралакчызы Максим Туневтуң киржилгези-биле эрткен.

Волонтержулар боттарының төлевилелдерин шыдаар шаа-биле камгалааннар. Немелде айтырыгларны залда киржикчилер база салып турган.

ТР-ниң Аныяктар херээ болгаш спорт яамызының оралакчы сайыды Валерия Кан мынчаар чугаалаан: - Республикавыстың иштинден идепкейжи эки турачылар бо чылдың эң кол болуушкуну – Москва хоорайга болуп эртер эки турачылар чыыжынга назы-хар барымдаалавайн киржип болур.  Тывадан 15 кижи составтыг делегация декабрь айның эгезинде чыыштың ажылынга барып киржир ужурлуг. Оларны амгы үеде шилип, волонтерларның төлевилелдерин көрүп турарывыс бо. «Россияның эки турачызы» деп Бүгү-россия чергелиг мөөрей  Волонтерлар чылының база бир кол болуушкуну-дур.  Аңаа кандыг-даа кижи киржип болур: бодунуң амы-хууда мурнундан-даа азы кайы-бир организацияның мурнундан-даа. Конкурстуң сайтызында бижип турары-биле алырга, ооң грант фондузу 15 млн рубль чедип турар, амгы үеде 15 муң чагыглар кирген-дир.

Бо удаада бисте  «Рожденные помогать» (Насыбуллина Сабина, «Социальная мобильная парикхахерская»), «Помощь детям» (Лаажап Ай-Хээ , «Поделись своим теплом»),  Бондаренко Наталья, «Правовой клуб Фемида»),  «Вокруг меня» (Ноокай Кристина, «Спортивная площадка детям»),  Костыгова Татьяна -  «Зеленые руки»,  Самдарак Байыр - «Реконструкция игровой площадки», «Уверенные в будущем» (Монгуш Сай-Даш, «Тувинские герои на тетрадках»),  «Работая, помогаю» (Ондар Чинчи, «Твори добро»), «Вдохновленные искусством» (Увангур Мария, «Мир через искусство»),  «Оберегая сердцем» (Монгуш Кан-Маадыр),  «Волонтерский центр»  МОД РТ «Добрые сердца Тувы»,  «Организатор добровольчества»  - ВОД «Волонтеры медики»,  «Смелые сердцем» (Донгурак Руслана, «Я спасатель») деп төлевилелдер шилиттинген. А 6 төлевилелди федералдыг мөөрейже чоруткан. Оларга чедиишкиннерни күзеп каалыңар.

Алена НАН-ХОО

 



Количество просмотров: Счетчик посещений Counter.CO.KZ - бесплатный счетчик на любой вкус!


Вернуться в раздел Новости

День народного единства
Бюджет для граждан
Росреестр
Электронная очередь в ДОУ
Город - территория детства
Поддержи малый бизнес
Каталог организаций